كلمات: هنري زغيب ألحان وغناء: راغب علامة
بيسألوني عني… وأنا بِهالليل حنانِك يجي مْن بعيد يخطفني مْن الليل
وينما كنت بيلحقني ولعندك بـيسبقـني
شو إلا معنى حياتي انْ ما كنتي حياتي؟
ويقولو شو ما يقولو إنتي وحدِك حياتي
بِتْبَيْعِدْنا المسافِه… والبُعد يخوِّفني
بتصيري إنتي المسافِه وصَوتِك بيخطفني
ما فيه حدا غيرِك غيَّرلي حياتي
ويقولو شو ما يقولو بْتبقي وحدِك حياتي
ع المَسارح بُوقَف غَني وإتأمَّل بالناس
يطلّ خيالِك ويجنِّنِّي إنتي يا أغلى الناس
وكيف ما بدي فيكي ضيع
وإنتي جبتيلي الربيع؟
يا ريتِك إنتي قدامي… وتحلالي حياتي
ويقولو شو ما يقولو إنتي وحدِك حياتي
كلّ الأوقات يلاقولي بغرامي عيوب
وعَنّي مرّات يزيدولي ويقولولي توب
يا ريتن بــيشفوكي
بْعينيي تَ يشوفوكي
وكيف بقدر عن حبِّك توب وحبِّك هو حياتي
ويقولو شو ما يقولو إنتي وحدِك حياتي